Moderatori Hermes Nikaj, i njohur si ‘Zogu i Tiranës’, ka festuar para pak ditësh ditëlindjen në një festë shumë private.
Ai ndodhet ende në “arrest shtëpie”, pasi është akuzuar për prostitucion. Ndonëse në shtëpi, atë e kanë surprizuar në ditën e lindjes, duke ia bërë edhe më speciale.
Mësohet se Hermes është surprizuar nga miqtë e tij më të afërt në mesnatë, të cilët i kanë trokitur në shtëpi, ku ndodhet i izoluar pas lirimit nga burgu 313 dhe kanë festuar deri në orët e para të mëngjesit.
Ai ka marrë dhurata të shumta të markave të shtrenjta dhe 500 trëndafila, raporton ‘panorama plus’. Burime pranë Prokurorisë së Tiranës bëjnë me dije se ende nuk janë mbyllur hetimet për çështjen në ngarkim të Nikajt. 26-vjeçari vazhdimisht i ka mohuar akuzat e ngritura rreth tij, duke deklaruar se është i pafajshëm.
