Fermerët e fshatit Bregas kanë bllokuar paraditen e sotme rrugën kryesore që çon drejt qytetit të Korçës.
Arsyeja është situata në të cilën ata ndodhen prej 6 muajsh, pasi nuk mund të shesin qumështin. Kjo gjendje është krijuar për shkak të falimentimit të baxhove që grumbullojnë qumështin.
Kështu, fermerët kanë zgjedhur të protestojnë, pasi kërkojnë që shteti të zgjidhë këtë problem, në të kundërt paralajmërojnë bojkot masiv të zgjedhjeve të 25 qershorit.
“Kemi marrë kredi dhe nuk kemi mundësi t’i shlyejmë. Nuk gjejmë treg për të shitur qumështin”, thonë fermerët e fshatit Bregas në Korçë.
