Vrasja e menaxherit të VIP-ave, Jurgen Kurtit vijon të bëjë zhurmë, kjo për shkak se ai nuk ishte një emër i panjohur për publikun.
Emri i tij lidhet jo vetëm me botën e showbiz-it, por edhe me dy vrasje ku Kurti akuzohej se ishte autor, por që i shpëtoi dënimeve, teksa gjykata shpalli fajtorë persona të tjerë.
I riu u vra në derë të shtëpisë në një atentat, ndërsa Policia ka shpallur sot në kërkim Dervis Arapin, i cili dyshohet se mund të ketë kryer ose urdhëruar ekzekutimin si hakmarrje për vrasjen e të atit të tij para një viti, Agim Arapi.
Profilet e Jurgen Kurtit në rrjetet sociale janë publike, ndërsa ajo që po ndodh me profilin e tij në Instagram është vërtetë e çuditshme. Edhe pse Kurti ka ndërruar jetë, mbi njëmijë persona e kanë ndjekur atë në Instagram.
Kjo pasi Kurti ka pasur mbi 6 mijë ndjekës, ndërsa aktualisht numërohen mbi 7800 ndjekës. Ngjarja e rëndë duket se ka shtuar interesin e shqiptarëve për ta ndjekur atë në Instagram, ndërsa duhet thënë se ky fenomen është vërtet i çuditshëm.
