Të gjithë ata që janë fansa të Halloween, do kenë mundësi të shijojnë një natë drithëruese pasi një hënë e plotë do ndriçojë qiellin e natës së sotme. Edhe pse festimet tradicionale do të duken shumë ndryshe këtë vit për shkak të koronavirusit, kjo do të jetë hera e parë që nga viti 1974 që ka pasur një hënë të plotë Halloween nëpër Irlandë dhe Mbretërinë e Bashkuar, sipas Astronomy Ireland. Dhe, pasi është hëna e dytë e plotë e tetorit, kjo njihet gjithashtu si një ‘hënë blu’, megjithëse nuk do të duket si blu në qiellin e natës.
“Hëna e plotë ndodh në 14:49 ditën e Halloween dhe ndërsa perëndon dielli, hëna do të shfaqet në të njëjtën kohë”, tha David Moore nga Astronomia Irlandë. “Hëna e plotë e Halloween ndodh vetëm disa herë në çdo shekull dhe nuk do të ndodhë më në Irlandë dhe Mbretërinë e Bashkuar deri në 2039”.
Do të jetë gjithashtu hera e parë që një hënë e plotë e Halloween do të jetë e dukshme në të gjithë botën që nga viti 1944.
Shoqata Astronomike Irlandeze, shprehet se ky fenomen do i intrigojë të gjithë ata që besojnë se ekziston një lidhje e caktuar midis hënës së plotë dhe shtrigave dhe shpirtrave që lëvizin natën e Halloween. /SCAN
