Gjykata e Gjirokastrës ka caktuar masën e sigurisë “arrest me burg” për Admir Golemin, i cili përplasi për vdekje 10-vjeçarin Samuel Ndoji, në afërsi të pikës kufitare të Kakavijës.
Gjatë seancës gjyqësore, Golemi deklaroi se po ecte me shpejtësi prej 75 km/orë, pasi po çonte në spital në një sëmurë. Ai ka thënë se ka qenë fëmija që i ka prerë rrugën.
“Po nxitoja për të çuar në spital të sëmurin, fëmija më preu rrugën. Isha duke ecur me 75 km/orë”, ka thënë ai para togave të zeza.
Ngjarja e rëndë ndodhi më 15 gusht, ku 10-vjeçari u përplas për vdekje nga një ambulancë në aksin Kakavijë-Gjirokastër, teksa priste në radhë për të kaluar kufirin.
