Drejtori i Burgut “313, Jordan Misja”, Maksim Hamitaj është pezulluar nga detyra me urdhër të Drejtorit të Përgjithshëm të Burgjeve, Agim Ismaili.
Burime për BalkanWeb, kanë bërë të ditur se shkak i pezullimit të tij është bërë i dënuari Emiljano Shullazi, të cilin e ka favorizuar me takime shtesë, duke e lejuar të takohet me anëtarët e bandës. Qazim Hoxha, i cili deri më tani ka qenë drejtori i Burgut të Durrësit, do jetë në krye të këtij burgu tani e tutje.
Ndërkohë, problemi i favorizimit të të burgosurve është një problem i hershëm. Pak kohë më parë, u pezullua nga detyra edhe drejtori i po këtij burgu”, për shkak të shkeljeve të tij.
Nga ana tjetër, pak kohë më parë në burgun “302” të burgosurit i bënë një peticion krerëve të shtetit, përmes të cilit kundërshtonin ligjin e ri për mundësimin e izolimit të tyre, si dhe anulimin e takimeve shtesë, që u është bërë kohët e fundit.
