Nënkryetari i Partisë Demokratike Edi Paloka i kërkoi sërish Fatmir Xhafajt dorëheqjen nga posti i ministrit të Brendshëm.
Me anë të një statusi në rrjetin social ‘Facebook’ Paloka deklaroi se rasti i Xhafajt është më flagranti në botë pasi u kap duke shkelur ligjin dhe sipas tij fshihet pas karriges. Deputeti demokrat theksoi se duke qëndruar Xhafaj në krye të kësaj ministrie, prishen provat kundër vëllait të tij.
Postimi i plotë i Edi Palokës
Pse hesht Ministri i Brendshëm?
Fatmir Xhafaj duhet të jetë rasti i vetëm në botë që kapet në flagrancë duke shkelur ligjin dhe fshihet pas karriges së Ministrit të Brendshëm.
Kanë kaluar më shumë se 24 orë që kur shqiptarët panë sesi vëllai i Ministrit të Brendshëm kapet në pazare droge, por Fatmir Xhafaj bën sikur nuk ka ndodhur asgjë.
Fatmir Xhafaj duhet të largohet një orë e më parë.
Çdo orë në zyrën e Ministrit të Brendshëm:
Prish provat e lidhjeve të të vëllait me trafikun e drogës
Pengon hetimin e të vëllait për trafik droge
Pengon arrestimin e tij për vuajtjen e dënimit me 7 vjet e dy muaj burg.
Pengon zbatimin e ligjit antimafia.
