Ministrja e Shëndetësisë, Ogerta Manastirliu ka publikuar në rrjetin social Facebook, mesazhin e Dr. Migena Qato e cila shprehet se në spitalet COVID-19, fatkeqësisht po dominojnë edhe moshat e reja.
Mesazhi i fortë i mjekes: “Ditët e fundit kanë qenë jo të lehta për ne, pasi kemi evidentuar që numri i rasteve është shtuar në mënyrë të konsiderueshme dhe jo vetëm kaq.
Nuk po përballemi me pacientët që ishim mësuar të prisnim, të moshave delikate, grupmoshave të treta me sëmundje bashkëshoqëruese, por tani dominojnë për fat të keq edhe moshat e reja të cilat kanë qenë të paprekura nga sëmundje të tjera më përpara.
Ndaj apeli është që të jemi shumë, shumë të kujdesshëm.
Të ruajmë distancimin social, të ruajmë masat e higjienës personale sepse tanimë COVID-i nuk ka më preferenca në moshë, ai nuk po kursen asnjë subjekt të popullatës, ndaj jini të kujdesshëm. Mbroni veten tuaj, mbroni edhe të afërmit tuaj”.
Ndërsa krah videos së bërë publike, Manastirliu shkruan: “Në spitalet COVID vijon beteja e përditshme për jetën, në përballje me një virus të rrezikshëm që nuk bën dallim dhe po prek edhe të rinj, që sot po marrin trajtim në spital.
Respekto rregullat. Jep kontributin tënd për të frenuar përhapjen e koronavirusit!”
https://www.facebook.com/OgertaManastirliu/posts/1011367029319347
