Nënkryetarja e Kuvendit, Vasilika Hysi, ka përjashtuar nga seanca deputetin Erion Piciri, pasi ka folur me tone të larta në Kuvend. Piciri po fliste nga vendi pa mikrofon, ndërkohë që ishte duke folur deputetja e PS, Edlira Bode.
Hysi tha se deputeti është paralajmëruar tre herë, ndërsa seanca u ndërpre për disa minuta. Ajo e cilësoi si një fatkeqësi të madhe prezencën e tij në Kuvend, për të përfaqësuar qytetarët e Shqipërisë.
Pasi Hysi e ka përjashtuar, ai ka nisur të bërtasë duke folur pa mikrofon. “Z. Piciri ju kam dhënë tre masa disiplinore. Mos vijoni të shkelni më tej rregulloren. Z. Piciri ju përjashtoj nga seanca plenare. Ju përjashtoj! Është fatkeqësi e madhe që vjen këtu në Parlament, për të përfaqësuar qytetarët e Shqipërisë. Është fatkeqësi e madhe. Ju përjashtoj nga seanca plenare. Ju lutem dilni nga seanca”, tha Vasilika Hysi.
