Ministri i Jashtëm në Detyrë, Gent Cakaj ka folur angazhimet dhe fillesat e tij në politikë.
I ftuar mbrëmjen e sotme në emisionin ‘Opinion’, Cakaj ka deklaruar se ka filluar të merret me politike që në moshën 14 vjeçare.
“Unë jam 28 vjeç me 14 vjet përvojë politike. Angazhimet e para politike i kam pasur në shkollën e mesme. Fillimisht me publikimin e shkrimeve politike nëpër gazeta ditore në Kosovë. Në moshën 15-vjeçare kam filluar aktivizimin politik si pjesë e Lëvizjes Vetëvendosja në Prishtinë dhe kam vendosur të jem pjesë e saj deri në moshën 18-vjeçare. Unë jam rritur në periudhën e tranzicionit. Me origjinë jam nga Gjakova dhe jam rritur në Prishtinë”, u shpreh Cakaj.
Më tej, ka treguar dhe momente nga lufta e Kosovës. “Familja u nda gjatë luftës dhe unë përfundova në Strugë. Babai im mbeti në Prishtinë dhe pjesa tjetër e familjes ka jetuar në Strugë. Më kujtohet në atë kohë shija e hidhur e jetës. Jeta në rutinë, paniku bëhet i zakonshëm. Lojërat ndërpreheshin kur binte telefoni.”
