Në tre vitet e ardhshme Facebook do të investojë 300 milionë dollarë në projekte që lidhen me gazetarinë.
Lajmi është bërë i ditur nga kompania, e cila ka njoftuar se do të investojë kryesisht në gazetarinë që ka lidhje me informacionin lokal, që është ‘goditur’ nga revolucioni dixhital.
“Ne do të vazhdojmë të luftojmë kundër lajmit të rremë, dezinformatave dhe informacionit të cilësisë së dobët”, shpjegoi Campbell Brown, zëvendëspresident në krye të partneriteteve me median duke shtuar se “ata e kanë mundësinë dhe përgjegjësinë për të ndihmuar mediat lokale që të zhvillohen dhe menaxhohen”.
Po ashtu, kompania gjigante e Facebook do të krijojë një fond të veçantë në bashkëpunim me Qendrën Pulitzer prej pesë milionë dollarë, e cila do të mbështesë financiarisht reportazhet.
Në mars të vitit 2018, edhe Google tha se do të investonte gjithashtu 300 milionë dollarë në një numër projektesh kundër falsifikimit dhe mbështetjes për mediat e besueshme.
