Evropa është kthyer në kryeqytetin e murtajës në botë. Shifrat e përditësuara nga anembanë globit, sipas OBSH, besohet se pasqyrojnë vetëm një pjesë të numrit të vërtetë të infeksioneve. Por ndryshe nga çfarë shfaqet situata në SHBA, në Itali më në fund ka një dritë shprese.
Raportohet se spitali i Milanos ka mbyllur njësinë e kujdesit intensiv. Pas rënies së numrit të pacientëve në kujdesin intensiv, autoritetet e spitalit Niguarda në Milano, kanë vendosur të mbyllin një nga pesë njësitë e kujdesit intensiv.
Ky repart do të kalojë për pacientët me sëmundje të tjera. Autoritetet e spitalit kanë njoftuar me një postim në rrjetet sociale, se deri tani ata kishin mirëpritur pacientë në kushte shumë të rënda, për shkak të virusit. “Eshtë një hap i vogël, por shumë i rëndësishëm përpara. Emergjenca nuk ka mbaruar, dhe ne nuk mund të ulim vigjilencën. Por ky është një nga lajmet e mira që vendosëm ta ndajmë me ju”.
