Policia e Vlorës ka njoftuar qytetarët që të shmangin qarkullimin me automjete në aksin rrugor Orikum- Palasë, në orët e natës. Sipas njoftimit në fjalë, duke filluar nga ora 21:00 e mbrëmjes, e deri në orën 05:00 të mëngjesit, për një javë rresht, aksi Orikum-Palasë do të jetë i bllokuar.
Njoftimi i plotë: “Njoftohen të gjithë drejtuesit e mjeteve, se për shkak të punimeve që do të zhvillohen në ndërtimin e segmentit rrugor Orikum – Palasë, ky segment rrugor do të jetë i kufizuar në të dyja krahët, për të gjitha kategoritë e mjeteve duke filluar që sot në orën 21:00 të mbrëmjes, e deri në orën 05:00 të mëngjesit.
Ky bllokim do të jetë për të gjitha kategoritë e mjeteve dhe do të përsëritet çdo ditë përgjatë orëve të natës deri të shtunën tjetër (19.10.2019). Kërkojmë mirëkuptimin e të gjithë drejtuesve të mjeteve që ta evitojnë këtë aks rrugor përgjatë 8 orëve të natës ose zgjedhin rrugë të tjera alternative”.
