Parlamenti miratoi gjatë seancës së sotme parlamentare me 104 vota, kandidaturën e Evis Kushit si ministre e re e Arsimit.
Ndërkohë që pas votimit, Evis Kushi shkoi në Presidencë dhe u betua para Presidentit të Republikës, Ilir Meta. Në ceremoni ishin të pranishëm Sekretari i Përgjithshëm i kryeministrisë, Engjëll Agaçi si dhe anëtarë të Kabinetit të Presidentit.
Pas ekzekutimit të himnit kombëtar, ministrja Kushi u betua me dorën mbi Kushtetutë para Presidentit të Republikës: “Betohem në nderin tim, se do të zbatoj me përpikëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave.”
