Një ngjarje e rëndë është regjistruar në Arabinë Saudite, teksa një motorist ka vdekur gjatë një gare.
40-vjeçarin portugez Paulo Gonçalves garonte në kategorinë e motorëve në etapën e shtatë të ‘Rally Dakar 2020’. Mediat e huaja bëjnë me dije se ai u rrëzua në kilometrin 276 të garës. Ndërsa organizatorët e eventit tregojnë se ata e gjetën pa ndjenja dhe se kishte pësuar një atak kardiak.
“Pasi morëm sinjal dërguam një helikopter dhe stafin mjekësor, që mbërritën në vendngjarje 8 minuta pas sinjalizimit. E gjetëm pa ndjenja, kishte pësuar atak në zemër”, thanë ata.
Stafi mjekësor që mbërriti në vendngjarje tentoi ta rikthejë në jetë, por pa sukses. 40-vjeçari ishte një sportist me përvojë në këtë turne, teksa në vitin 2015 ai u rendit i dyti në këtë kompeticion. Ai renditej në vendin e 46-të të këtij edicioni.
