Italia ka fituar festivalin europian të këngës Eurovizion 2021. Nga 26 këngë konkurente në garën për cmimin e madh në natën finale, ishte Italia që fitoi me 524 pikë të grumbulluara. Grupi ‘Maneskin’ me këngën ‘Zitti e Buoni’, arriti të ngrejë trofeun në “Eurovision 2021” i ardhur nga festivali italian Sanremo.
Një përfaqësim dinjitoz është vlerësuar dhe ai i Anxhelës teksa është duartrokitur nga mijëra spektatorë në sallë, por pikët e renditën Shqipërinë në vendin e 21-të nga 26 pjesëmarrës.
