64 persona kanë rënë në pranga, pjesë e një organizate mafioze shqiptare. Lajmi është dhënë nga EUROPOL, që shkruan se këta persona u arrestuan mes 3-5 prill në një operacion të mbajtur në Belgjikë, Francë, Holandë dhe Itali, ku kanë marrë pjesë rreth 600 oficerë.
Të dyshuarit besohet se trafikonin lëndë narkotike, po ashtu janë të lidhur me trafikimin e qenieve njerëzore, prostitucionin dhe pastrim parash.
Arrestimet vijnë pas një investigimi kompleks, në aktivitetet e grupit të krimit të organizuar që vepronte në Belgjikë, Francë, Holandë, Itali dhe Britani, raporton EUROPOL.
Disa nga të dyshuarit, po ashtu ishin përfshirë në disa raste të trafikimit të qenieve njerëzore në Francë.
55 persona u arrestuan në Belgjikë, 7 në Holandë dhe 2 në Francë./ Tirana Today
