E enjte, 21 Tetor, 2021
12.5 C
Tirana

Europa Ligë/ Junajtid sot përballë Vijarealit, 22 vite më parë shokoi Bajernin

26 maj 1999 Mançester Junajtid 2-1 Bajern Mynih

“Nëse humbni, do t’i kaloni njëzet centimetra larg asaj kupe pa qenë në gjendje ta prekni. Shumë prej jush nuk do të kenë më mundësinë as t’i kalojnë kaq afër. Si mund të guxon të kthehesh këtu (dhomat e zhveshjes) nëse nuk ke dhënë gjithçka në fushë. “

(A. Ferguson)

Për një 90 minutësh të tërë, Kupa e Evropës kishte qenë tepër larg. Shumë më tepër se ato njëzet centimetrat për të cilat kishte folur Sër Aleksi.

Një lojë vazhdimisht në vuajtje, në kërkim të barazimit pas golit të Mario Baslerit nga goditja e lirë.

Një përpjekje që do të kishte rezultuar e kotë nëse shtylla nuk do të zmbrapste goditjet e Shollit dhe Jankerit.

Këto ishin shenjat e para të një fati të paimagjinueshëm, me një fund tashmë të shkruar që përfshinte një “mrekulli” sportive.

“Mrekulli” që u materializua midis minutës ’91 dhe minutës ’93, kur Sheringam dhe Solskjaer shënuan dy golat që sollën Championsin në Angli pas dy goditjeve këndi nga e djathta e kultivuar e David Bekamit.

Dy gola që vendosën një nga finalet më emocionuese të të gjitha kohërave.

Sonte, saktësisht 22 vite më vonë, një tjetër finale evropiane për  Mançester Junajtidin me Solskjaerin në stol. Për fat të mirë për Vijarealin, këtë herë norvegjezi nuk mund të luajë në sulm për ‘djajtë’ …

Sonte 21:00: Finalja e Europa Ligës: Mançester Junajtid- Vijareal (Gdansk)

Finalja e Europa Ligës sonte vendos përballë trashëgiminë kontinentale kundër të sapoardhurve në një finale kaq të rëndësishme. Mançester Junajtid luan kundër Vijarealit në Gdansk. Këta të fundit luajnë finalen e tyre të parë evropiane, ndërsa Junajtid është një pretendent me përvojë në këtë fazë të sezonit, duke kërkuar tofeun e tyre të shtatë madhor dhe një tjetër trofe të Ligës së Evropës pas atij që ngritën në 2017-ën.

Megjithatë, në pankina repputacionet janë të përmbysur teksa Unai Emeri ndjek trofeun e tij të katërt të Ligës së Europës, ndërsa Ole Gunar Solskjaer kërkon një trofe të parë si trajner i Junajtidit.

Formacionet e mundshme:

Junajtid (4-2-3-1): De Gea; Wan-Bissaka, Bailly, Lindelof, Shaw; McTominay, Fred; Rashford, Fernandes, Pogba; Cavani. Trajner: Solskjaer.

Vijareal (4-4-2): Asenjo; Foyth, Albiol, Pau Torres, Pedraza; Y. Pino, Capoue, Parejo, Trigueros; Gerard Moreno, Bacca. Trajner: Emeri

- Reklama -

Më shumë nga kategoria




Të fundit

Veshka e derrit transplantohet te njeriu (FOTO)

Për herë të parë, një veshkë derri është transplantuar në një njeri, pa shkaktuar refuzim të menjëhershëm nga sistemi imunitar i marrësit, një përparim...

Shpërthim i fuqishëm gazi në Kinë/Publikohen pamjet ‘apokaliptike’ (VIDEO)

Të paktën 3 persona u vranë dhe më shumë se 30 u plagosën në një shpërthim të fuqishëm në një restorant, në qytetin verilindor...

Evi Kokalari i publikon dokumentin Bashës: Të nis një investigim për këto afera

Që kur u shfaq në "Foltoren" e Sali Berishës si një mbështetëse "amerikane" e ish-kryeministrit në “luftën” e tij kundër SHBA-së, Evi Kokalari nuk...

Thellohen spastrimet në PD/Luan Baçi largohet nga kreu i degës në Fier

Lulzim Basha ka marrë një tjetër vendim, për të shkarkuar një tjetër emër nga radhët e PD-së. Dita-ditës, kryedemokrati po fakton se mbetet i...

PD e vendosur për t’i shkuar deri në fund çështjes “Becchetti”

Pak kohë më parë, Gjykata Europiane e të Drejtave të Njeriut në Strasburg ka dënuar Shqipërinë me 110 milionë euro, për konfliktin me biznesmenin...