Monedha e Eurozonës e ka nisur javën në vlera të njëjta me javën e kaluar, duke u këmbyer edhe sot me 121.5 lekë.
Ndërkaq dollari amerikan ka humbur 0.6 pikë, duke zbritur në nivelin e 106.7 lekëve. Edhe paundi britanik ka regjistruar rënie të vlerës duke u ulur në kuotën e 135.7 lekëve, sipas të dhënave të Credins Bank.
Franga zvicerane shfaqet e qëndrueshme në vlerën e 109 lekëve. Sa i përket dollarit kanadez dhe atij australian, ka pasur dobësim të vlerave duke u këmbyer sot përkatësisht me 80.7 lekë dhe 74 lekë. /SCAN
