U mendua se do të ishte një ndeshje e lehtë, por Italisë iu desh të vuante shumë në përballjen ndaj Austrisë të vlefshme për 1/8-at e EURO 2020. Plot 120 minuta drithësruese, teksa në fund ishin të kaltrit e Mançinit ata që triumfuan me rezultatin 2-1.
“Axurrët” i shkuan shumë pranë golit në minutën e 17. Barela mori një top në zonë dhe ka lëshoi një goditje të fuqishme drejt portës, por portieri Bakman arriti të shmangë golin me një ndërhyrje të jashtëzakonshme. Një rast i artë, i shpërdoruar nga italianët.
Në minutën e 32, Imobile provoi me një predhë me të djathtën nga një distancë e kosiderueshme, por topi shkoi në pjesën ku bashkohen 2 shtyllat.
Në minutën e 65, Austria shtangu Italinë. Ish-sulmuesi i Interit, Arnautoviç, mposhti Donarumën me një goditje të zgjuar me kokë, por festa e austriakëve u prish nga VAR, pasi goli u anulua për pozicion jashtë loje.
Koha e rregullt përfundoi në barazim 0-0, teksa në shtesën e parë, Italia duket sikur u cclirua, teksa realizoi dy herë me Kiezën dhe Pesinën në minutat 95 dhe 105. Të dy këta futbollistë të hedhur nga stoli.
Të dy këta futbollistë të hedhur nga stoli.
Austriakët provuan të rihapnin takimin me Kalajziç, por vetëm kaq sepse në fund ishin të kaltrit ata që festuan. Për sa i përket ecurisë së turneut, në çerekfinale Italia do të përballet me fituesen e çiftit Belgjikë-Portugali.
