Përfundojnë dy ndeshjet e grupit C. Holanda ka shkatërruar Maqedoninë e Veriut, duke triumfuar në shifrat e pastra, 3-0 dhe ka arritur të marrë 3 fitore, në po kaq ndeshje. Tulipanët gjetën rrjetën me Memfis Depaj, në minutën e 24.
Në minutën e 51, Vajnaldum dyfishoi shifrat. Futbollisti i ri i PSG-së, Zhorzhinjo Vajnaldum, realizoi për portokallinjtë e De Bur në “Johan Cruijff Arena” të Amsterdamit.
Pas disa minutash, ishte sërish Vajnaldum, që realizoi golin e tretë dhe dopietën personale, ku goditja e Depaj u kthye nga portieri maqedonas.
Në ndeshjen tjetër, mes Ukrainës dhe Austrisë, këta të fundit realizuan me Baumgartner, në minutën e 21, pas asistit të bukur në goditje këndi nga Alaba. Austria do të përballet me Italinë e Roberto Mancinit në turin me eliminim direkt.
