Europiani më në fund erdhi edhe për Maqedoninë e Veriut, pasi ata marrin pjesë për herë të parë në një turne të këtyre përmasave.
Ndeshja e tyre e parë në grup është kundër Austrisë sot në orën 18:00 dhe do të jetë një ndeshje interesante për t’u parë edhe prej prezencës së 6 shqiptarëve me 5 prej tyre që priten titullarë: Alioski, Bardhi, Musliu, Ademi dhe Elmas.
Skuadra e Igor Angelovskit arriti rezultate mbresëlënëse në ndeshjet miqësore, veçanërisht fitorja 4-0 ndaj Kazakistanit por kundërshtarët e tyre ishin më pak të fortë se skuadrat ndaj të cilave luajtën austriakët.
Skuadra e Franko Foda-s u ndesh me Anglinë, e cila e mundi 1-0 dhe Sllovakinë, ndeshje e cila përfundoi në një barazim 0-0.
Austria nuk ka treguar atë që shumë tifozë presin dhe austriakët shpresojnë të mos zhgënjehen në të njëjtën mënyrë si pesë vite më parë.
Formacionet e mundshme:
Austria: Schlager; Lainer, Dragović, Hinteregger, Ulmer; Laimer, X. Schlager; Sabitzer, Baumgartner, Alaba; Arnautović
Maqedonia e Veriut: Dimitrievski; Nikolov, Spirovski, D. Velkovski, Musliu, Alioski; Bardhi, Ademi, Elmas; Trajkovski, Pandev
