Presidenti rus, Vladimir Putin, u takua sot me presidenti turk, Recep Tayyip Erdogan, në Soçi të Rusisë. Në qendër të bisedimeve ishin situata në Siri dhe rivendosja e lidhjeve të plota ekonomike mes të dy vendeve. Por në media nuk u fol aspak për marrëdhëniet e Turqisë me Bashkimin Evropian, aq më pak për Gjermaninë.
Takimi me Erdogan vjen vetëm një ditë pasi Putin u takua me kancelaren gjermane, Angela Merkel. Nga mediet ndërkombëtare takimi Putin-Merkel u konsiderua si shumë i ftohtë. Ndoshta “gazetarët gazmor” do të shkruajnë që Putini zgjodhi Erdogan për t’u ngrohur. Por a ishte ky takimi përgatitja e një aleance më të madhe.
Gjatë takimit të dy liderëve, presidenti rus i tha homologut të tij turk se aftësia për të diskutuar për çështje të rëndësishme si Siria, tregon se marrëdhëniet mes të dy vendeve po riparohen plotësisht.
Bashkëpunimi për Sirinë shënon një kthesë të rëndësishme për Rusinë dhe Turqinë, që mbështesin palë të kundërta në konflikt.
