Është vetëm 22-vjeç dhe mund të bëhet mbrojtësi më i shtrenjtë në histori

Interesimi i lartë që ka treguar Guardiola në drejtim të qendërmbrojtësit të Interit, Milan Skrinar, ka futur panikun tek zikaltërit të cilët rrezikojnë ta humbasin atë. Sllovaku ka shkëlqyer këtë sezon në Serie A, duke qenë lider në mbrojtje edhe pse në një moshë shumë të re. Është sezoni i tij i parë në radhët e Interit dhe i ka bindur që të vazhdojë, por interesimi i Manchester City mund ti ndryshojë gjërat.

Mediat angleze kanë raportuar se Pep Guardiola e admiron shumë futbollistin dhe ka kërkuar nga klubi transferimin e tij në ‘Etihad Stadium’. Për më tepër, ‘Citizens’ janë gati ta bëjnë Skriniarin mbrojtësin më të shtrenjtë në histori. Gjithnjë sipas medieve angleze, oferta e Cityt në drejtim të Interit për mbrojtësin pritet të jetë 65 milionë euro.

City është e interesuar edhe për holandezin Virgil Van Dijk, por duket se opsioni i parë mbetet sllovaku Skriniar edhe për shkak të moshës së re që ka. Kujtojmë që mbrojtësi më i shtrenjtë në histori të futbollit është një tjetër futbollist i Cityt, Benjamin Mendy që i kushtoi klubit anglez rreth 58 milionë euro.