Është vetëm 17-vjeç dhe cilësohet si pasardhësi i Ronaldos

Cristiano Ronaldo është takuar me transferimin e ri të Real Madridit, Vinicius Junior, pas humbjes 3:0 nga Barcelona të shtunën. “Më i miri në botë”, ka shkruar Vinicius Junior në fotografinë e postuar me Ronaldon në “Instagram”. Real Madrid pagoi 45 milionë euro në maj për 17 vjeçarin, që do të mbetet te Flamengo në huazim edhe për një sezon. Ai cilësohet si një element mjaft i rëndësishëm për madrilenët që do i udhëheqë drejt suksesit për shumë vite në të ardhmen.

Braziliani udhëtoi në Madrid për të parë El Clasicon në Santiago Bernabeu. Ai gjithashtu u takua më shumë me klubin ku pretendon të luajë për shumë vite në të ardhmen. Vinicius Junior u takua me shokun e ardhshëm të skuadrës pas ndeshjes me Barcelonën dhe bëri foto me portugezin, që e postoi në llogarinë e tij në “Instagram”, ku ka shkruar: “Më i miri në botë”.