Shtetet e Bashkuara kanë shënuar sërish një numër të lartë të viktimave nga koronavirusi.
Gjatë 24 orëve të fundit, në SHBA janë regjistruar 1,630 viktima, 622 më shumë se një ditë më parë. Kështu numri total i personave që kanë humbur jetën nga COVID-19 në SHBA ka shkuar në 83,425.
Një rritje e ndjeshme vërehet edhe te numri i rasteve të reja. Në 24 orët e fundit, SHBA ka regjistruar 22,802 raste të reja, rreth 4,600 më shumë se një ditë më parë.
Me më shumë se 1,4 milionë raste infektimi, SHBA renditet e para në botë për numrin më të madh të rasteve të infektimit nga ky virus.
Deri më tani janë shëruar rreth 300 mijë persona, ndërsa mbi 1 milionë raste janë ende aktive. Prej këtyre, mbi 16 mijë persona ndodhen në gjendje të rëndë shëndetësore.
New York është vendi më i prekur në SHBA, duke shënuar mbi 348 mijë raste infektimi dhe 27,175 viktima.
Koronavirusi ka prekur më shumë se 4,3 milionë njerëz nga e gjithë bota, ndërsa iu ka marrë jetën mbi 292 mijë personave. Mbi 2,4 milionë raste në të gjithë botën janë ende aktive.
