Diplomati Agim Nesho, ish ambasador i Shqipërisë në Kombet e Bashkuara, tha në manifestimin e thirrur nga Meta, se sot është shkelur Kushtetuta dhe kjo është vija e kuqe. Ai deklaroi para qytetarëve se sot është vrarë shpresa për të ardhmen, dhe se lidhja e krimit me politikën ka kapur institucionet e shtetit.
“Të kesh demokraci është zgjedhja jonë, të mbrosh demokracinë është detyra jonë. Sot Shqipëria është më e plakur, është vrarë shpresa për të ardhmen.
Lidhja e krimit me politikën dhe largimi i të rinjve nga vendi dhe një klikë partiake ka kapur institucionet e shtetit.
Transparenca mungon dhe dëshpërimi të mbyt. Kemi pritur që situata të ndryshojë dhe opozita e bashkuar ta ndryshojë këtë situatë.
Por qytetarët kërkojnë zgjedhje dhe ndryshim. Sot jemi para shkeljes së Kushtetutës, dhe kjo është vija e kuqe”, u shpreh Nesho.
