Kandidati i PS-së për Bashkinë e Vlorës, Dritan Leli ka votuar sot pas mesdite pranë KZAZ-së përkatëse. Ai ka votuar bashkë me gruan dhe djalin e tij, i cili voton për herë të parë.
“Votova në qendrën time elektorale bashkë me djalin tim që është votues për herë të parë për të shprehur vullnetin. Shfrytëzoj rastin t’u bëj thirrje të gjithë qytetarëve të votojnë, të ushtrojnë votën e lirë për të zgjedhur përfaqësuesit e tyre në pushtetin vendor”, deklaroi Leli.
Kryetari aktual i Bashkisë së Vlorës, i pyetur se cila është e përbashkëta e tij me kandidaten tjetër Valbona Mezini, ai tha se “Jemi të dy nga Vlora”.
Nga ana tjetër djali i tij deklaroi se ishte kënaqësi që votoi pasi në fletë ishte dhe babai i tij.
“Emocionet ishin të veçanta. Ishte kënaqësi që në fletën e votimit ishte dhe babai im. Është sekret”, tha i biri.
