Kryeministri Edi Rama, duke folur për kandidaturat e PS-së për zgjedhjet vendore, ka vlerësuar publikisht një kryebashkiak demokrat.
Bëhet fjalë për kreun e Bashkisë së Tropojës, Besnik Dushaj, për të cilin kryeministri tha se ka bashkëpunuar shumë mirë me të, edhe pse është i djathtë dhe se Dushaj është njeri i zoti.
“Kujt t’ia lëmë Shkodrën, më thoni ju mua. Se thonë na pengon qeveria me fondet. Me kryebashkiakun e Tropojës për shembull, kam bashkëpunuar shumë mirë, është 24 karat demokrat, por është njeri i zoti. Ne synojmë të gjitha bashkitë, ne nuk i ndajmë njerëzit kur vlerësojmë punën, është shumë e thjeshtë”, tha Rama.
Partia Socialiste kandidon Rexhë Biberajn në Tropojë për zgjedhjet vendore.
