Ish-kryeministri italian, Silvio Berlusconi është shtruar në spitalin San Raffaele në Milano më 3 shtator, për shkak të një përkeqësimi të lehtë, si pasojë e infektimit me koronavirus. Gjatë një bisede me senatorët e partisë së tij, Berlusconi ka rrëfyer si e kishte përjetuar virusin, të cilin e quajti një ferr të vërtetë.
“Unë jam duke luftuar për ta kaluar këtë sëmundje, e cila është një ferr i vërtetë, është tmerrësisht e shëmtuar. Nga mijëra pacientë të ekzaminuar në San Raffaele, unë jam i pesti për nga ngarkesa virale. Bëra më të mirën time dhe shpresoj shumë që të mund të shërohem”, është shprehur ai.
Mjeku i ish-kryeministrit, Luigi Giancrigillo, deklaroi se shëndeti i tij po përmirësohej.
