Kryeministri Edi Rama e ka nisur ditën e sotme me një mbledhje tjetër qeverie. Ai ka bërë thirrje për qetësi dhe menaxhimin sa më të mirë të kësaj fatkeqësie.
Rama ka bërë një përmbledhje të ngjareve, duke nxjerrë në pah punën e palodhur të ekipeve të shpëtimit dhe ka garantuar familjet e prekura se do të do të punohet që t’u plotësohet çdo nevojë.
Kreu i ekzekutivit ka vënë caktuar si prioritare tashmë organizimin e tryezave për mbledhjen e donacioneve financiare dhe inventarizimi i plotë i dëmeve të shkaktuara.
Shqipëria zgjohet me dhimbje dhe lot. Shkon në 39 numri i viktimave nga tërmeti
“Ndërkohë që bilanci i të vdekurve është rritur, kërkimet pa pushim të trupave heroike të shpëtimit nuk kanë arritur të nxjerrin më jetë nga gërmadhat, ata të cilët kanë vijuar dhe vijojnë të punojnë në kushtet e një rrezikshmërie tanimë shumë të lartë, qofshin përfaqësues të trupave tona dhe jo vetëm.
Është momenti për të ndihmuar psikologjikisht një popull të traumtizuar dhe nuk është momenti për audiencë, like dhe komente. Të gjithë të kontribuojnë sa të munden për të qetësuar shpirtrat e stërtrazuar të njerëzve dhe për të përçuar informacion real. Kjo është koha e psikologëve dhe jo e astrologëve.
Nga mbrëmë nuk ka asnjë familje që nuk ka një strehë, që nuk është e mbrojtur nga shiu dhe e garantuar me ushqime. Duhet të punohet me shumë këmbëngulje. Do të na duhet shumë vëmendje ndaj këtyre njerëzve, shumë dinjitet në shërbimin ndaj tyre dhe do të na duhet një durim i hekurt, të cilin ne duhet ta kemi. Ne duhet të garantojmë kushtet optimale për në këto kushte, kur kanë humbur pasurinë e tyre.
Tani është momenti për të inventarizuar të gjithë kuadrin e situatës së familjes duke bërë verifikime strikte të familjeve që strehohen në hotele.
Duhet intensifikuar puna për banesat fizike dhe të iventarizohen. Komiteti Kombëtar i Rindërtimit është krijuar që dje, është në fazën fillestare të punës dhe unë do të doja që të theksoja që ministria e Infrastrukturës, e cila meriton mirënjohje për gjithë sakrificën së bashku me kolegët e tjerë, që ju ka rënë detyra të përballaojnë situatën në vijën e frontit, duhet të garantojmë përfshirjen e të gjithë inxhinierëve nga të gjithë rrugët e jetës nga sektori publik e privat”-tha Rama.
