”Është koha për t’u kthyer”/ Marash Kumbulla fiton betejën me Covid-19

Lajm i mirë për Romën dhe trajnerin e saj portugezin Paolo Fonseka, pasi Marash Kumbulla është shëruar nga Covid-19.

Këtë lajm e ka publikuar vetë mbrojtësi shqiptar në profilin e tij zyrtar në “Instagram” ku ka shkruar: “Është koha për t’u kthyer”.

Talenti i Romës pati një sfidë të lehtë, pasi ishte asimptomatik dhe nuk pati shenja apo nevojë për trajtim.

Marash Kumbulla rezultoi pozitiv me COVID-19 përpara se të grumbullohej me kombëtaren shqiptare, ndërkohë ai humbi tri sfidat e Shqipërisë dhe sfidat ndaj Parmës dhe Napolit në kampionat dhe ndaj Kluzhit në Europa Ligë.

Ndeshja e tij e fundit kur është aktivizuar ishte më 5 nëntor në ndeshjen e parë ndaj Kluzhit në Europa Ligë.