Update/Dukesha e Kembrixhit ka lindur sot fëmijën e saj të tretë, një djalë që peshon 3.8 kg, në Ditën e Shën George.
Kensington Palace njoftoi se fëmija ka lindur rreth orës 11:00, pasi Kate u dërgua në spitalin e Shën Marisë në Paddington të Londrës.
Sipas Daily Mail, lindja ka ndodhur pa ndërlikime. Fëmija është stër-nipi i gjashtë i Mbretëreshës dhe Dukës së Edinburgiut dhe vëllai i vogël i Princit George dhe Princeshë Charlotte.
Foshnja është i pesti në radhë për kurorën, ndërsa rezulton stërnipi i gjashtë i Mbretëreshës dhe Dukës së Edinburgut, sikurse edhe vëllai i Princit George dhe Princeshës Charlotte.
Një zëdhënës i Kensingtonit njoftoi më pas për shtypin:
“Dukesha e Kembrixhit solli në jetë djalin në orën 11:01. I pranishëm ka qenë edhe Duka i Kembrixhit, Princi William. Dukesha dhe djali janë në gjendje të mirë shëndetësore. Mbretëresha, Duka i Edinburgut, Princi i Uellsit, Dukesha e Cornwallit, Princ Harry dhe pjesëtarët e të dyja familjeve janë informuar dhe janë tejet të gëzuar për këtë lajm”.
Ora 13:00/Dukesha e Kembrixhit Kate Middleton, shtrohet në spital pritet të sjellë në jetë fëmijën e tretë
Fëmija e tretë e familjes mbretërore po vjen. Dukesha e Kembrixhit, Kate Middleton, nën shoqërinë e bashkëshortit Princit William siç raporton BBC ka mbërritur në spital për të mirëpritur fëmijën e saj të tretë.
Ka qenë vetë Pallati Mbretëror që ka bërë të ditur lajmin ditën e sotme. “Shkëlqesia e saj Dukesha e Kembrixhit u pranua në Spitalin e Shën Marisë, Paddington në Londër këtë mëngjes. Ajo udhëtoi me makinë nga Kensington Palace në Lindo Wing në Spitalin e Shën Marisë, bashkë me Dukën e Kembrixhit”, shkruhet në deklaratën zyrtare.
Dukesha që në orën 6:00 të mëngjesit ka shkuar në të njëjtin spital ku ajo lindi Princin George dhe Princeshën Charlotte.
Lajmi vjen vetëm disa orë pasi anëtarët e familjes mbretërore u mblodhën për të festuar 92-vjetorin e ditëlindjes së Mbretëreshës në një koncert në Royal Albert Hall të Londrës të shtunën në mbrëmje, ku Kate mungonte gjatë festimeve, për shkak se lindja e bebit të tretë ishte në prag.
Si me dy fëmijët e saj të parë, Kate shpreson për një lindje natyrore dhe të gjithë jemi kuriozë për të mësuar gjininë e bebit.
