Kryetari i Partisë Demokratike, Sali Berisha, një ditë më parë është gjendur në një situatë të sikletshme gjatë një konference me deputetë të parlamentit suedez dhe përfaqësues të Lidhjes Demokratike të Gruas, kur ka ngatërruar kryetarin e partisë simotër të PD-së në Suedi. Ai ka ngatërruar emrin e kreut të partisë simotër suedeze, duke e përmendur si grua.
Deri në momentin që u korrigjua nga deputetja Albana Vokshi, e cila i tha se një burrë ishte në krye të partisë suedeze dhe jo një grua, ish-kryeministri kërkoi falje pasi kuptoi lapsusin e bërë. Teksa u pyet se si do të realizohet përfaqësimi me jo më pak se 30% i grave në zgjedhjet për kryetarë bashkie, Berisha tha se këtë çështje PD-ja do ta zgjidhë siç e ka zgjidhur partia suedeze Moderata. E madje Berisha insistoi se kjo parti drejtohej nga një zonë, pavarësisht se Albana Vokshi i mëshonte fort faktit se kryetari i partisë ishte burrë.
Si do të realizohet përfaqësimi i zonjave, si do të realizohet kuota 30%?
“Mbështes plotësisht çështjen e kuotave, përderisa ne të arrijmë të dalim jashtë tyre siç ka dalë partia simotër e Suedisë e cila e udhëhequr nga një zonjë e shquar…”.
Një prej anëtarëve të panelit: Është burrë…
Berisha: Urdhëro? Është burrë? Më fal, Ulf…Po. E udhëhequr nga zonja Kristelfson.
Një prej anëtarëve të panelit: Është burrë…
Berisha: Është burrë? Më falni atëherë, i apologies… pra ne do të bëjmë gjithçka që të respektohen kuotat.
