Tjetër incident dhune me motiv zgjedhjet, është konsumuar sot.
Shefja e financës në poliklinikën ne Ersekës, Kristina Stoja dyshohet se është dhunuar nga shefja e personelit të këtij institucioni, Dorina Tallo.
Bëhet e të ditur se Tallo ka kërcënuar Stojën se do ta largonte nga puna nëse ajo nuk votonte për Partinë Socialiste.
Policia bën të ditur po procedohet penalisht në gjendje të lirë shefja e Burimeve Njerëzore pranë Drejtorisë së Shëndetit Publik, D.T, 30 vjeçe, banuese në Ersekë, për veprën penale: “Dëmtime të tjera me dashje”.
Procedimi ndaj saj filloi pas kallëzimit të bërë më datë 21.06.2017, nga shtetasja K.S, 55 vjeçe, banuese në Ersekë, me detyrë shefe Finance pranë kësaj Drejtorie, e cila ka deklaruar se shtetasja D.T, në ambjentet e Poliklinikës të qytetit të Ersekës, për motive të dobëta, e ka fyer dhe goditur në fytyrë këtë të fundit.
Materialet i kaluan Prokurorisë të Rrethit Gjyqësor Korçë për veprime të mëtejshme.
