Ish-kryeministri Sali Berisha ka dënuar vendimin e gjykatës për heqjen e sekuestros preventive ndaj pasurive të Klemend Balilit dhe familjarëve të tij. Në një status në “Facebook”, Berisha shkruan se arsyeja e këtij vendimi ishte videoja e orgjive.
Ai thotë se Balili i dorëzoi Ramës një kopje të tij dhe ministrave të tij aktual të orgjive dhe erotizmave të shfrenuara të filmuara në mjediset e Santa Quaranta.
STATUSI I PLOTE
Kryegjykatësi dhe kryeprokurori Rama hoqi konfiskimin e pasurive të Eskobarit për shkak të videos së orgjive të tij!
Të dashur miq, në serinë e vendimeve të tij gjyqësore, Edvin Kristaq Rama, pasi u shpall kryegjykatës dhe kryeprokuror i narkoshtetit të tij urdhëroi heqjen e sekuestros të vendosur më parë mbi pasuritë e drogës së Eskobarit të Ballkanit, Klement Balili.
Këtë vendim Rama e mori pasi Balili i dorëzoi Ramës një kopje të tij dhe ministrave të tij aktual të orgjive dhe erotizmave të shfrenuara të filmuara në mjediset dhe dhomat e të famshmes Santa Quaranta.
Ky akt vjen në serinë e vendimeve të tij të bllokimit të arrestimit të Tahirit, lirimit të Sotos që transportonte miliona euro së bashku me Saimir Trafikun në Elbasan, rikthimin e pasaportës së Tahirit, ekstradimin e financierit të bandës së Habilajve që kishte shprehur gatishmëri të bashkëpunonte me prokurorinë si dëshmitar i mbrojtur i drejtësisë.
Dënoj me ashpërsinë më të madhe këtë akt kriminal të Edvin Kristaq Ramës dhe ju bëj thirrje qytetarëve të përgatitemi për revoltën më të fuqishme qytetare për përmbysjen e narkoshtetit në Shqipëri.
