Vllaznia është mposhtur nga Skënderbeu në “Loro Boriçi” me rezultatin e thellë 4-1, humbje e cila lë në vendin të 9 skuadrën e Gjokës, duke rrezikuar kategorinë. Kjo humbje e thellë duket se e ka nervozuar teknikun Ernest Gjoka i cili ka një sjellje mjaft të keqe me gazetarët duke u treguar agresive tepër arrogant.
Një pyetje e njërit prej gazetarëve duket se ka acaruar më shumë Gjokën i cili është përgjigjur me ironi. Gazetarët i kanë kërkuar Gjokës të tërheqë fjalët e thëna ose në të kundërt do t’i hiqnin mikrofonin dhe kështu bënë. Duket se Gjoka ka marrë shembull nga kryeministri Edi Rama që e quan median kazan dhe ka një sjellje të përafërt me të.
Konferenca për shtyp është ndërprerë dhe tekniku është larguar nga gazetarët.
