U përfol gjerësisht në mediat rozë se mes Anxhela Peristerit dhe Erik Lloshit nuk kishte më miqësi. Shkak për këto thashetheme u bë fakti që Eriku nuk shkoi në recitalin e Anxhelës, dhe më pas as ajo nuk shkoi në dasmën e Erikut. Madje u aludua aq shumë sa dhe këngëtarja i përgënjeshtroi këto zëra. Por tashmë edhe Erik Lloshi i vë vulën përfundimtare, teksa ka thënë se miqësia e tyre është shumë e sinqertë, dhe se mes tyre nuk ka hatërmbetje.
I ftuar sot në emisionin “Rreze dielli”, Eriku tregoi se me Anxhelën ruan një marrëdhënie shumë të mirë, por ai nuk i shkoi në recital për arsye shëndetësore. Këngëtari u pyet nga moderatorët se cilat janë të mirat dhe defektet e Anxhelës, dhe ai zbuloi se këngëtarja ka një problem të vogël.
“Është shumë e mirë, është si zemër, nuk e di çfarë të them. Por që thjesht ka problem që nevrikoset shumë shpejt, dhe po u nevrikos Anxhela i thyen të tëra. Është shumë strikte në gjërat që kërkon, dhe e kap ankthi shumë, qoftë për oraret, për këto. Vete gjithmonë gjysmë ore para, dhe i thoja në fillim kur erdhi nga Greqia; qetësohu se jemi në Shqipëri, nuk ka orare këtu”, tregoi Eriku.
“Është një nga mikeshat e mia më të mira, kemi një marrëdhënie shumë të mirë bashkë si kolegë. Si shok, si miq, shumë të fortë e kemi… Unë në koncertin e Anxhela Peristerit kam munguar për arsye shëndetësore. Kam qënë shumë sëmurë, dhe kam qenë komplet i padisponueshëm për të kënduar, për të ndejtur në këmbë, jo për të kënduar. Kështu që ndodh, nuk kemi çfarë t’i bëjmë.
Përpara shëndetit nuk vihet asgjë. Kështu që dhe Anxhela e mirëkupton shumë mirë këtë gjë, pavarësisht se u mërzit shumë, unë e di që është mërzitur shumë sepse unë isha i ftuari i saj special. Një ndër të ftuarit më kryesor në koncertin e saj… Unë me Anxhelën jemi shumë të lidhur me njëri-tjetrin, dhe kemi një duet që ajo e ka shumë përzemër. Po edhe unë e kam shumë përzemër. Kjo është e vërteta që t’a merrni vesh që të gjithë”, u shpreh Eriku.
