Nga: Mentor Kikia
Opinionistët e nisën shtatorin me hamendësime konspirative të tipit: Rama dhe Basha po përgatiten për një marrëveshje. Gjermanët dhe amerikanët po punojnë nën rrogoz për të na nxjerrë nga balta.
Po përgatitet një qeveri e pajtimit kombëtar PD-PS. Shikoni çfarë do të ndodhë në tetor, ose më e shumta në janar. Në fakt, çfarë është kjo krizë?
Kjo është pasojë e keqqeverisjes së PD-së dhe PS-së së bashku, në gjithë periudhën postkomuniste. Është pasojë e degradimit të demokracisë, dhe rrënimit të vazhdueshëm të standardit të zgjedhjeve.
Për këto arsye, kjo krizë nuk zgjidhet me marrëveshje Rama-Basha. As me koalicion qeveritar PD-PS. Ne nuk jemi në luftë me njëri-tjetrin, që na duhet një marrëveshje pajtimi.
Nuk kemi nevojë për një mision ndërkombëtar paqeje. Kriza nuk ka nevojë të kapërcehet, edhe nëse këtë na e rekomandojnë të huajt. Kriza duhet zgjidhur, për sot dhe për nesër dhe, zgjidhja nuk është që Basha dhe Rama të ndajnë pushtetin.
Zgjidhja është reformimi i sistemit zgjedhor dhe politik, për ti kaluar pushtetin votës, që qeverinë ta zgjedhë populli dhe jo oligarkët apo marrëveshjet mes kryetarëve të partive.
