Presidenti francez Emmanuel Macron ka dhënë një intervistë për revistën “Le Point”, duke habitur me një deklaratë të fundit gjatë të cilës thotë se jeta e tij është më pak “tërheqëse” nga sa mund të mendohet. Ai e argumentoi këtë duke treguar se është i detyruar të flasë shpesh me një lider siç është Erdogan.
“Unë jam ai që duhet të flasë me Erdoganin çdo 10 ditë”,– u shpreh Macron.
Mediat turke e kanë cilësuar deklaratën e tij si shokuese, por ekipi i ngushtë i Macron sqaroi se deklarata nuk ka pasur synim talljen e Presidentit të Turqisë.
Biseda e fundit që është bërë publike mes Macronit dhe Erdoganit u zhvillua me 27 Gusht, kur ata diskutuan fatin e një gazetari francez të arrestuar dhe burgosur në Turqi. Ai ka diskutuar shpesh me Erdoganin edhe çështje të Lindjes së Mesme dhe luftës në Siri.
