Një artikull me titull ofendues, publikuar disa ditë më parë ndaj presidentit turk, ka bërë që menjëherë të merren masat ndaj stafit grek. Avokatët e presidentit, kanë përpiluar një padi penale kundër përgjegjësve të gazetës greke që bënë tituj fyes për Erdogan, raportuan mediat turke.
Presidenti turk Recep Tayyip Erdogan, është në një proces gjyqësor kundër redaktorëve të një gazete greke.
Bëhet me dije se avokatët e Erdoganit nuk e kanë lënë këtë çështje pa marë vemendjen e duhur, ndërsa kanë ngritur padi kundër redaktorëve të gazetës së përditëshme “Democracy”, e cila ka shkruar një titull, F*uk you Erdogan”, në anglisht dhe turqisht, duke iu referuar tensioneve Greqi-Turqi. Sipas tyre, përgjigjja e Greqisë për Turqinë është: “F*ck you Erdogan”.
Ministria e jashtme greke, ka reaguar për shkrimin ofendues ndaj Erdoganit dhe ka paralajmëruar që do të marrin masa ndëshkuese.
“Liria e shprehjes dhe liria e shtypit janë plotësisht të mbrojtura në Greqi, por ky fakt nuk e mohon detyrimin, për të hequr dorë nga fyerja e çdo individi, veçanërisht një udhëheqësi të huaj. Përdorimi i gjuhës ofenduese është në kundërshtim me kulturën politike të vendit tonë dhe mund të dënohet”, ka thënë ministria.
Sakaq në një mesazh në rrjetet sociale, presidenti turk është shprehur i vendosur sa i përket konfliktit me Greqinë, duke deklaruar se Turqia nuk do të lëshojë asnjë pikë ujë.
