Presidenti turk, Recep Tayyip Erdogan ka kërcënuar se do ta rinisë operacionin në Siri, duke kundërshtuar kështu edhe thirrjen e presidentit francez, Emmanuel Macron.
Sipas tij, nëse tërheqja e kurdëve nuk përfundon, atëherë ai do të rinisë me operacionet ushtarake në Siri.
“Deri tani janë pastruar nga terroristët 1200 m2 territor, janë marrë në kontroll 160 vendbanime. Do rinis operacionin ushtarak në Siri nëse tërheqja e kurdëve nuk përfundon. Sot do të flas me homologun rus, Putin për tërheqjen e kurdëve”, deklaroi Erdogan.
Kujtojmë se ditën e djeshme, Macron i bëri me dije homologut të tij rus që Franca dëshiron të shohë një zgjatje të armëpushimit në verilindje të Sirisë nga ana e Turqisë.
Ankaraja ka paralajmëruar se do të rinisë sulmet e saj kundër forcave kurde të mbetura në “zonën e sigurtë” pas afatit të armëpushimit më 22 tetor. Këto bisedime mes Macron dhe Putin erdhën përpara një takimi midis liderit rus dhe atij atij turk më 22 tetor.
