Presidenti turk Recep Tayyip Erdogan, ka konfirmuar se brenda 45 ditëve do të përfundojnë së ndërtuari dy spitale me kapacitete prej 1 mijë shtretër secila. Këto dy spitale do të presin pacientët e infektuar nga koronavirusi. Dy spitalet që do akomodojnë personat e prekur nga COVID-19, do të ndertohen në Stamboll.
Ai tha pas një takimi virtual me kabinetin, që secili prej spitaleve do të ishte në të dy anët e Turqisë të ndarë nga ngushtica e Bosforit me njërën anë në Evropë dhe tjetra në Azi.
“Ne do t’i përfundojmë ato shpejt brenda 45 ditësh, dhe do t’i hapim në shërbim të popullit tonë”, ka thënë presidenti Erdogan, duke marrë masat emergjente lidhur me këtë pandemi.
Ai shtoi se sistemi turk i kujdesit shëndetësor tejkaloi “pragun e rëndësishëm” të 20.000 testeve ditore të koronavirusit. Presindenti shtoi më tej se janë të gjitha kapacitetet për të përballuar këtë emergjencë.
“Ne nuk kemi probleme për diagnostikimin dhe trajtimin në spitalet tona. Për fat të mirë, deri më tani nuk kemi hasur vështirësi në lidhje me shërbimet shëndetësore, furnizimet ushqimore, sanitare dhe sigurinë publike”.
