Turqia mori dorëzimin e ngarkesës së parë të pjesëve të sistemit të mbrojtjes raketore S-400, pavarësisht paralajmërimeve nga Uashingtoni se kjo lëvizje do të shkaktonte sanksione amerikane.
Dy ditë pas kësaj ngjarjeje, presidenti Erdogan i bën thirrje presidentit të SHBA-së, Donald Trump që të heqë dorë nga sanksionet ndaj Turqisë.
“Presidenti i SHBA, Donald Trump të heqë dorë nga sanksionet ndaj Turqisë për blerjen e sistemeve të mbrojtjes ajrore ruse dhe duhet të gjejë një një rrugë të mesme në këtë mosmarrëveshje”, deklaroi presidenti Tayyip Erdogan të dielën.
‘Haberturk’ citon Erdogan duke u thënë gazetarëve turq se Trump “ka autoritetin të heqë dorë apo të shtyjë CAATSA”, duke iu referuar sanksioneve të SHBA-ve për të parandaluar vendet që blejnë pajisje ushtarake nga Rusia.
