Një konflikt mes dy vëllezërve, ka tronditur sot pushuesit në Radhimë të Vlorës. Turistët u terrorizuan nga të shtënat me armë, pas një sherri mes dy vëllezërve.
“Abc” mëson se Benjamin dhe Edison Kondi, të dy pronarë të plazhit “Bora Bora” në Radhimë, janë konfliktuar për administrimin e tij. Dy vëllezërit janë zënë për çështjen e administrimit të plazhit, se cili nga të dy kishte të drejtën për të përfituar prej menaxhimit.
Sipas policisë, konflikti ka degraduar duke nxjerrë armën. Benjamini ka shtënë në drejtim të vëllait të tij Edisonit.
Nga të shtënat, fatmirësisht nuk ka persona të lënduar.
