Anaid Kaloti, ish-banori i “Big Brother 6”, prej nga ku doli fitimtar, zbuloi se është baba i një vajze 3-vjeçare. Kohët e fundit, Anaidi ka qëndruar larg botës së medias, e për këtë arsye, jeta e tij private ka qëndruar larg vëmendjes së njerëzve.
Nga çfarë rrëfeu gjatë intervistës në “Ftesë në 5”, Anaidi befasoi me deklaratën e tij kur tregoi se nuk ka qenë në dijeni të ekzistencës së vajzës, deri kur mbushi 1 vjeç. Lidhur me këtë, ai deklaroi se vogëlushja e tij, e cila quhet Klea, ka ardhur në jetë si “dhuratë midis dy njerëzve që nuk e donin dhe aq shumë njëri-tjetrin
Teksa ishte i ftuar këtë pasdite në “Ftesë në 5”, Anaidi theksoi se: “Unë dua të them se është vetëm Klea, ajo që është në jetën time dhe çdo gjë rrotullohet rreth saj”.
Ai ka postuar shpesh foto me Klean, por shumë prej ndjekësve kanë menduar se e ka mbesë. Më pas, për të sqaruar publikun, Anaidi tregoi se vogëlushja e fotove është e bija.
Sa i përket nënës së Kleas, ai nënvizoi se vajza është arsyeja pse ai dhe familja e tij vijojnë të mbajnë raporte të mira.
“Ajo hyn dhe del te shtëpia ime dhe mikpritet, qoftë nga unë apo familja ime. Nuk është nusja ime, nuk kemi qenë ndonjëherë të fejuar apo të martuar, por dhurata që na solli Zoti na bëri të afroheshim më shumë seç ishim më përpara”, u shpreh Anaidi.
