Era Rusi është munduar gjithmonë që të mos tregojë detaje nga jeta e saj personale. Për të familja është e shenjtë, sikundër edhe skena. Edhe pse asnjëherë nuk i ka pëlqyer të komentojë jetën e saj private, kësaj radhe është munduar të tregojë më shumë për veten për të gjithë fansat e saj.
Teksa ka qenë e ftuar në një emision televiziv, ajo tregoi për projektet e reja qe e presin në muzikë. Jo vetëm kaq, ajo është ndalur edhe çështjet më personale. Këngëtarja është pyetur për marrëdhënien në dashuri, ku ka zbuluar se është natyrë ëndërrimtare.
“Unë besoj tek ajo gjëja që zgjat përgjithmonë, dhe jam pak natyrë ëndërrimtare kur vjen puna te dashuria. Në një marrëdhënie nuk jam ajo grifsha që transmetoj në skenë, jam komplet ndryshe”, përfundoi ajo.
