Një shtetas është gjetur i pajetë mesditën e kësaj të shtune në lagjen “Apollonia” në Fier. Raportohet se në katin e tretë të një pallati është gjetur i pajetë shtetasi Bajram Brataj, rreth 60 vjeç. Nuk dihen ende shkaqet e vdekjes së tij, por dyshohet për shkaqe natyrale.
Kanë qenë banorët e pallatit, të cilët kanë lajmëruar policinë për shkak të aromës së rëndë që vinte nga banesa e viktimës. Mendohet se ai ka disa ditë që ka ndërruar jetë, pasi trupi është gjetur tërësisht i dekompozuar.
