Marrëdhëniet shqiptaro-greke janë tensionuar edhe më shumë, që pas vrasjes së minoritarit grek Kostandinos Kacifas, që u pasua me disa vrasje të shqiptarëve në shtetin grek.
Me sa duket këto tensione vazhdojnë edhe jashtë kufijve, konkretisht në New York, SHBA.
Në një video të shpërndarë gjerësisht në media, shihet se një grup shqiptarësh janë konfliktuar me një grup shtetasish grekë.
Shqiptarët të veshur kuq e zi dhe me flamurë në shpinë kanë protestuar para një organizate greke në Brooklyn me pankarta në duar ku shkruhet: “Epiri është Shqipëri!”.
Ndërkaq, është dashur ndërhyrja e policisë që të mbahej nën kontroll situata.
