Ziada Çobo, në një intervistë në “Shqipëria Live” ka reaguar sërish pas takimit me drejtorin e Përgjithshëm të Policisë, Ardi Veliu. Mamaja e djalit të dhunuar nga Policia e Shtetit, ka folur dhe për takimin, ku zbuloi se drejtori i kishte kërkuar disa herë ndjesë. Për padinë tha se ende nuk e ka tërhequr, dhe nuk e ka vendosur ende se çfarë do bëjë me të.
“Ende nuk e kam tërhequr padinë, është akoma çështje pezull. Ndërsa në lidhje me çështjen e djalit që ma dhunuan policët, i kam thënë edhe Ardi Veliut që do e dërgoj deri në fund”, tha ajo.
Ardi Veliu u kritikua shumë, pasi publikoi një video me armë të Zaida Çobos, djali i të cilës u dhunua nga policia pasi kishte thyer karantinën. Ai publikoi një video të Çobos me armë në dorë, dhe për shkak të kësaj mori shumë kritika sa u kërkua edhe dorëheqja e tij.
